სამყარო დღითიდღე ვითარდება.საქართველოც რათქმაუნდა მიჰყვება მის ნაბიჯებს. მართალია ძალიან ნელა,თუმცა მთავარია,რომ მიჰყვება. ჩვენი საყვარელი ქვეყანა,თუნდაც შუა საუკუნეების მაგალითი გავითვალისწინოთ, ერთი საუკუნით ჩამორჩებოდა სხვა ქვეყნებს.მიზეზების და საბაბების შესახებ ყველას თავისი აზრი აქვს. საზოგადოების ერთი ნაწილი მეორეს წინააღმდეგ გამოდის და მას ადანაშაულებს.სინამდვილეში კი,თუ ამ საკითხს განვიხილავთ მორალურ კონტექსტში და არა პოლიტიკურში ან ეკონომიკურში. მოსახლეობის ერთი ნაწილი მეორის შეხედულებებს აპროტესტებს,მეორე ნაწილი კი პირიქით და ამ კამათში შეუმჩნევლად გადის დრო. სამყარო ვითარდება,ჩვენ კი ვრჩებით ჩაკეტილები ჩვენს სამყაროში. რეალურად დამნაშავე არის ,,საზოგადოება”–როგორც ერთი მთლიანი ორგანიზმი.საზოგადოება,რომლის ნაწილიც თითოეული ჩვენგანია. ჩვენ გვიჭირს აზრის თავისუფლებასთან შეგუება და გვსურს ყველაფერი იდეალურად იყოს.ყველას ყველაფერზე ჰქონდეს ერთი აზრი. სწორედ ამიტომ ვაყენებთ ერთმანეთს ხშირად შეურაცხყოფას და მხოლოდ ნეგატიურ ემოციას გავცემთ.
მაგალითისათვის განვიხილოთ,ამჟამად ასე აქტიური,გენდერული თანასწორობა. საქართველოს მოსახლეობის,,მკვიდრი,პატრიოტი” ნაწილი ფიქრობს,რომ არანაირი გენდერული თანასწორობა არაა საჭირო,კაცი არის და უნდა იყოს დომინანტი! მეორე ნაწილი კი ფემინიზმში გადასულები, ქალს ჰიპერგაზვიადებულ უფლებებს ანიჭებენ. ერთის მხრივ,ვფიქრობ,რომ მეორე უკიდურესობა შედარებით კარგია,თუმცა ბალანსირება აუცილებელია. საზოგადოებრივ ტრანსპორტში იმ ლოგიკით,რომ ქალი კაცის თანასწორია,არ უნდა დავუთმოთ ადგილი ქალებს?! მეორე შემთხვევაში–მუდმივად სახლში მყოფი,დიასახლისი. ქალი რომელიც მუდმივად მეუღლის შემოსავალზეა დამოკიდებული ცხოვრობს სრულფასოვანი ცხოვრობით? ვითარდება ყოველდღიურად?
პირადად მე,მიმაჩნია,რომ გენდერული თანასწორობა აუცილებელია. ეს არ არის კონკრეტულად ევროპული ან ამერიკული სტანდარტი. ეს არ არის ის რასაც მოსახლეობა უშინდება. ეს არ წაგვართმევს ქართველობას. უბრალოდ აუცილებელია,რომ ჩვენის დღის წესრიგი,ჩვევები,ტრადიციები დავხვეწოთ და მივიდეთ საერთაშორისო სტანდარტამდე!ქალი შეიძლება ფიზიკურად სუსტი იყოს,თუმცა სულიერად ბევრ მამაკაცზე ძლიერი. მაგრამ ამის მიღმა, ქალს უნდა ამშვენებდეს კლდემამოსილება,სინაზე… კაცმა უნდა აგრძნობინოს ქალს,რომ საჭიროების შემთხვევაში მას მისი დაცვა შეუძლია. განსაკუთრებული პატივი უნდა სცეს მას. იქნება ეს ზემოთ ნახსენები ადგილის დათმობა თუ სხვა…მაგრამ ქალმა თავი არასდროს უნდა იგრძნოს დამცირებულად! ბავშვებში ასე ხშრად გავრცელებული ,,ქალი ხარ”–ბიჭების მისამართით არ უნდა ატარებდეს შეურაცხყოფის ქვეკონტექსტს. ქალი არ არის სუსტი და არც არასდროს იქნება.მას უბრალოდ პატივისცემა სჭრდება. საჭიროა სწორად გავიგოთ ,,გენდერული თანასწორობა”,სწორად მოვარგოთ ჩვენს ქვეყანას და რაც მთავარია ვასწავლოთ პატარებს, რომ ,,ქალობა” არ ,,ტეხავს”!
მოვლენები ჩვენს გარშემო 