სტეფანი მეიერის ,,ბინდი” ბესტსელერია,რომელიც ოთხ ნაწილადაა გამოცემული(ბინდი,ახალი მთვარე,დაბნელება და განთიადი) ამ პოსტში მე მინდა პირველი ნაწილის, ბინდის, შესაახებ ვისაუბრო.წიგნი უკვე ყველასთვის ნაცნობ ისტორიას მოგვითხრობს, 17 წლის გოგონას(ბელა სვონის) და 1901 წელს დაბადებული და 17 წლის ასაკში ვამპირად ქცეული ბიჭის(ედვარდ ქალენის) შესახებ. ამ წიგნის დაწყებისთანავე, პირველი რამაც მომხიბლა იყო ბელას უშუალობა,გულწრფელობა, თითქოს ჩვეულებრივი ცხოვრება. ისტორია პირველივე წინადადებიდან იმდენად გავითავისე,რომ უნებურად ჩავიკითხე მთელი წიგნი. ეიფორია დიდი ხნის განმავლობაში არ მტოვებდა და დაუსრულებლად,მოუბეზრებლად დავიწყე მისი თავიდან კითხვა. სიუჟეტი საკმაოდ საინტერესოდ განვითარდა. ედვარდის როგორც ,,უსულო ადამიანის” ადამიანობა მაკვირვებდა.ბრემ სტოკერის ,,დრაკულას” შემდეგ ვამპირების მიმართ დიდი ინტერესი გამიჩნდა და ვფიქრობ,რომ სწორედ ამიტომ მოვისურვე ან წიგნის წაკითხვა. ბელა სვონი მზიანი ფენიქსიდან წვიმიან ფორკსში მამასთან გადადის საცხოვრებლად.მას იმდენად აღიზიანებს ეს ფაქტი,რომ ვერ წარმოუდგენია როგორ უნდა შეძლოს იქ ცხოვრება. თუმცა სპორტსმენ მამინაცვალთან და დედასთან ერთად მუდმივ მოგზაურობაში ვერ იცხოვრებს. ედვარდი კი ,,მამასთან”-კარლაილთან, ,,დედასთან”-ესმესთან და ,,და-ძმებთან”-როზალისთან,ელისთან,ჯასპერთან და ემეტთან ერთად ცხოვრობს. ვამპირობა, მათგან არცერთის არჩევანი არ ყოფილა,ამიტომ ცდილობენ,რომ ნამდვილი ადამიანებივით იცხოვრონ.კარლალილი ექიმია და ფორკსის საავადმყოფოში მუშაობს. ბავშვები კი სკოლაში დადიან თუმცა, მათ ყველა უცნაურად თვლის. ისინი ერთმანეთისგან საკმაოდ განხვავებულები არიან. ციცქნა ელისი ყველა მკითხველის სიყვარულის ობიექტი ხდება. ნაწარმოებში ეტაპობრივად იკვეთება: ბელას მებრძოლი სული,სიყვარულის უნარი,სწრაფვა პიროვნული განვითარებისკენ,უბრალოება. სიმართლე გითხრათ დარწმუნებული არ ვარ,რომ რამოდენიმე წლის შემდეგაც ჩავთვლი ძალიან კარგ წიგნად ,,ბინდს”. თუმცა ზუსტად ვიცი,რომ ეს წიგნი ყოველთვის მეყვარება თუნდაც იმიტომ,რომ ერთ დროს დაუსრულებლად ვკითხულობდი, თუნდაც იმიტომ,რომ საოცარ სამყაროში მამოგზაურა,თუნდაც იმიტომ,რომ მასწავლა რა არის ნამდვილი მეგობრობა და სიყვარული და რაც მთავარია შემახედა ოჯახში სადაც გული არავის უცემდა, თუმცა მათი ადამიანობა საზღვრებს სცდებოდა. ეს წიგნი ყველამ უნდა წაიკითხოს თუნდაც იმიტომ,რომ დარჩეს მისი თინეიჯერობის კარგ მოგონებად. იცხოვროს ვამპირებთან ერთად და გაიგოს ,რომ სასწაულები ხდება და ეს ჩვენი სამყაროა.
ციტატები ,,ბინდიდან”:
,,ხანდახან იმაზეც კი დავფიქრებულვარ ,ნეტა სხვებიც ისევე თუ უცქერენ სამყაროს,როგორც მე-მეთქი.არ ვიცი,იქნებ ტვინში ვერ მაქვს რიგზე ყველაფერი. თუმცა,მიზეზი ყოველთვის ნაკლებად შესამჩნევია,მთავარი ეფექტია.”
,,პიროვნება,რომელიც თუნდაც უნებურად სხვას გადაარჩენს,არ შეიძლება ბოროტი იყოს.”
,,ის ვამპირია,რომელსაც არ სურს იყოს ბოროტი ურჩხული;ვამპირი,რომელიც ხალხის გადასარჩენად იბრძვის…”
,,-და ლომმა შეიყვარა კრავი…-წაიჩურჩულა უცებ ედვარდმა.მისი სიტყვებით დაზაფრულმა,განზე გავიხედე.
-სულელი კრავი,-ამოვიოხრე მე.
-და ავადმყოფი,მაზოხისტი ლომი,-ის ჩაფიქრებული მიაშტერდა დაბურულ ტყეს.”
,,-იმ წუთას თავში ერთადერთი აზრი მიტრიალებდა:,,ოღონდ ბელა არა!”
,,სამ რამეში ღრმად ვიყავი დარწმუნებული.პირველი-ედვარდი ვამპირი იყო;მეორე:მის რაღაც ნაწილს-და ზუსტად არ ვიცოდი, რამდენად ძლიერი იყო ეს ნაწილი-ჩემი სისხლი სწყუროდა; და მესამე:საბოლოოდ შემიყვარდა ედვარდ კალენი.”
მოვლენები ჩვენს გარშემო 